Autokino Parpan 2022

Dia glücklicha Gsichter und Moment vo letz Johr gebend üs me als gnuag Motivation, zum in üsna Feria as Kino für eu z macha, wieder in da Bündner Berga. Miar zeigend eu 8 brandneui Kinofilm in Parpan (Lenzerheide).

Bi üs bruchsch nebm Fahruswiis und amna Auto nur dis Handy: zum Ticket kaufa, zum Kino navigiara oder frisch kochti Verpflegig direkt ins Auto bstella. Alles selfmade, vo A-Z. Jeda vo dena über 30 freiwilliga Organisatora treit an Teil zu dinem wohl schönsta Kinoerlebnis bii. Au d Ziita vo schwarz-wiis Fernseh sind verbii, uf di wartet a gstocha scharfs Bild ufra 16x8 Meter grossa Liinwand, as Bergpanorama und traumhafti Sunnauntergäng. Schön isoliart in dinem Auto keit bi üs nüt ins Wasser, selbst wenns regnet.

Miar freuend üs uf di und dini Liabsta!