Misteris da l'Advent - Concert d'Advent da La Cumbricula

L’ensemble vocal engiadinais La Cumbricula as preschainta darcheu al public cun ün concert dedichà als misteris da l’Advent. S-chürdüm, stailas, quietezza sun be ün pêr dals elemaints misterius cha l’uman bada plüferm durant il temp d’Advent. Quists elemaints sun ils temas da la gronda part da las chanzuns chi vegnan preschantadas, cumposiziuns in differentas linguas ed our da differents températures. Misteris han però eir üna chertta ligerezza, quai chi vain our da chanzuns plü ritmadas sco « Let my light shine bright bright » et « Jingle Bells ».
I’l sen da la cumünanza pel temp d’Advent es datta a l’auditori la pussibiltà da chantar ün pêr chanzuns cul cor, quai in fuorma da chant avert. Selina Bontognali-Fluor dirigia La Cumbricula.