DA COUR - Concert pel giubileum da 25 ons La Cumbricula

L'ensemble vocal engiadinais La Cumbricula es nat dürant l'utuon 1998 suot la direcziun da Jachen Janett, cuntschaint musicist da Tschlin. La prümavaira da l'on davo ha gnü lö il prüm concert da quista fuormaziun.
Quai voul dir cha dal 2024 festagia La Cumbricula il giubileum da 25 ons.
Per restar fidel a seis nom "La Cumbricula" - chi'd es congualabel cun üna "cumpagnia divertenta" - es gnüda l'idea da metter insembel ün program tuot special pels concerts da giubileum da la stà 2024 (il seguond concert ha lö a Schlarigna). Per mincha chantadura e mincha chantadur nu daja alch plü divertent co da pudair chantar sia aigna chanzun prediletta. Ed uschè es nada üna glista cun las 15 chanzuns predilettas da minchüna e minchün da l'ensemble. Il resultat da quista tscherna es ün program da concert multifari, chi demuossa il grond spectrum dal savair cantic da l'ensemble.
Uschea vegnan preschantadas, sper chanzuns rumantscha tradiziunalas, eir ovras sacralas, chanzuns popularas da differents pajais e cumposiziuns modernas. Selina Bontognali-Fluor dirigia La Cumbricula.

Con il titolo "From all our hearts", l'ensemble engadinese La Cumbricula sotto la direzione di Selina Bontognali-Fluor presenta 15 canzoni preferite dei singoli membri del coro. Questo in occasione del 25° anniversario del coro. Il programma del concerto è vario e rispecchia l'ampia gamma di capacità vocali di questa formazione. Oltre ai canti tradizionali, romanici, vengono eseguite anche opere sacre, canti popolari stranieri e composizioni più moderne.