Generalversammlung Archivs Culturals Val Müstair und Vortrag von Rico Valär

Presentation da Rico Valär, Università Turich:
"La naschentscha dal rumauntsch scrit e la litterarisaziun da la Guerra da Chalavaina"
(in rumeno)

«Ünna eavla ais svuleda oura, alg stambuock in seis paiais» la guerra da Chalavaina e la naschentscha dal rumauntsch scrit.
Ils refurmaturs ladins nu portan e promouvan be la nouva cretta in nossas vals, els daun eir üna vita ed importanza fin cò incuntschainta al rumauntsch scu lingua scritta e lingua litterara: Gian Travers, Jachiam Bifrun, Durich Chiampell, Steffan e Luzi Gabriel sun vairs pioniers da la creaziun linguistica e litterara in nossa lingua. Illas prefaziuns da lur traducziuns da texts biblics chattains bgeras infurmaziuns e reflexiuns davart la lingua rumauntscha, sieu adöver e sia rolla illa societed da quella vouta. Cun lur traducziuns ed impustüt cun lur creaziuns s-chaffeschan els il cumanzamaint fulminant d'üna tradiziun litterara da tschinch tschientiners. Nus legiains insembel extrats da la «Chanzun da la Guerra dalg Chiastè d'Müs» da Travers, dal manifest «Alla Christiauna Giuventüna d'Agnedina» da Bifrun, dal pream ad «Ün cudesch da psalms» da Chiampell e dal epos «Il chöd dals Grischuns» davart la Guerra da Chalavaina da Luci Gabriel.